Daadi tu hoti to kaisa hota
Sab kuch bachpan jaisa hota
Roj kahani sunati tu
Sunte- sunte so jati main
Tere aanchal ki chaniyan me
Yu hin gumm ho jati main
Yaad teri jab aati hai
Aankh meri bhar aati hai
Daadu to mujhe mile nahi
Tu bhi jaldi chali gyi
Kehti thi mujhse tu
Teri shaadi karwa kar jaungi
To kyun chali gyi tu jaldi
Tere bin sasural kaise jaungi
Karte rehte the hum batiyan
Ese hi katti thin ratiyan
Ab sham jab ghir aati hai
Barbas nighahen tere bichone par jati hain
Tera na hona kitna khalta hai
Ye dukh aankhon me palta hai
Tu thi to kitna aacha tha
Bachpan wo kitna saccha tha
Tu itna dur kyun chali gyi
Ki dhundh na tujhe paun main
Teri parchai bhi mile mujhe
To use lipat jaun main
Meri aankhon ke aage
Aankhen tune mundi thi
Kyun nhi dekha tune
Meri aankhon me bunde thi
Tu to chod kar chali gayi
Teri yaaden kyun nhi jaatin hain
Koi mujhe samjha de ye
Tu laut kar kyun nahi aati hai
No comments:
Post a Comment